Store Area Manager

HISTORIKU
MEGATEK, hipermarketi më i madh i tipit “Do It Yourself” në Shqipëri, i cili ofron shitje me shumicë dhe pakicë, po kërkon të punësojë:

Menaxher Zonal

Qëllimi i pozicionit: Arritja e objektivave për departamentet në varësi, përmes një drejtimi të suksesshëm të punonjësve në varësi, ndërtimin e një strategjie të suksesshme për shitjet, si dhe menaxhimin efektiv të stokut.

Disa nga detyrat dhe përgjegjësitë kryesore:

Në bashkëpunim me stafin në varësi harton planin dhe strategjinë për periudha të caktuara për departamentet që ka në manaxhim.
Mbështet Drejtorin e Hipermarketit në procesin e manaxhimit të punës në Hipermarket me qëllim përmbushjen e objektivave dhe rritjen e performancës në Hipermarket.
Analizon të dhënat në dispozicion në lidhje me departamentet në varësi dhe vjen me propozime për adresimin e çështjeve të evidentuara.
Monitoron në mënyrë periodike paraqitjen e produkteve në rafte në departamentet në varësi, duke verifikuar informacionin që lidhet me përshkrimin dhe çmimin dhe punon me stafin në varësi për adresimin e problematikave (nëse evidentohen të tilla).
Bashkëpunon me Arkitektët dhe stafin e departamentit të Marketingut për procese të ndryshme që mund të kryen në Hipermarket.
Zbaton me përpikmeri nga ana e tij/saj dhe personave që supervizon, të gjitha procedurat dhe rregulloret e miratuara.
Angazhohet në zgjidhjen e çështjeve urgjente dhe raporton zgjidhjen e tyre.
Angazhohet në trajnimin e stafit të ri rreth produkteve dhe procedurave të Megatek.
Kontribuon me ide në organizimin e promocioneve dhe implementimin e produkteve të reja.
Përfshihet në procesin e vlerësimit të performancës së punonjësve në Hipermarket duke dhënë vlerësime objektive të bazuara në rezultate.

Kërkesa Esenciale:

Edukimi: Të ketë përfunduar studimet universitare.
Eksperienca: Më shume se 5 vjet në pozicione supervizuese ose menaxheriale, eksperienca pune në shitje me pakice është një avantazh
Aftësitë e nevojshme:

Aftësi për të ndërtuar një skuadër të suksesshme.
Aftësi komunikimi të shkëlqyera.
Aftësi shumë të mira analitike.
Aftësi vendimmarrëse
I aftë për të ndërtuar marrëdhenie produktive dhe për të motivuar anëtarët e tjerë të skuadrës
Përkushtim të fortë për shërbimin ndaj Klientit.
Aftësi për të punuar nën presion dhe manaxhimi i situatave sfiduese.

Disponibiliteti: Të jetë i/e disponueshëm/me për të punuar me turne

Procedura e Aplikimit:

Për të aplikuar për këtë pozicion, ju lutem dorëzoni CV të detajuar tek Divizioni i Burimeve Njerëzore nëpërmjet njërës nga mënyrat si në vijim:
1. Me e-mail: [email protected]
2. Duke dërguar me postë në adresën e mëposhtme:
MEGATEK S.A
Divizioni i Burimeve Njerëzore
Autostrada Tiranë-Durrës km 7.
Tirana, Albania